” المعطي ” والإحسان

نورالدين بن شقرون / مكتب مراكش

يشد من عند شي
ويصدق على شي
سميتو على كل لسان

بين شد وعطي
يربح الحاج المعطي
معروف برجل الإحسان

يبيع ويشري فكلشي
من العقار لداكشي
يكتب ويبخر بحصلبان

يلاقي شي مع شي
ويهجج مول الشي
يخلوض بين العشران

سمسار لمالين الشي
واخا “الحمام” مامنو شي
اجعل منو هامان

مع نقابة أصحاب الشي
باع دوك ل بلا شي
العمال طالهم النسيان

موعدنا مع الحاج المعطي
بدأ يفرق الأكباش ويعطي
الصغير والكبير فرحان

اش عند المعطي مايعطي
كون ماشد ما يعطي
الفقر يجعل الناس عميان

وحنا وسط هادشي
نظلوا ننددوا بلا شي
وحالتنا غاديا للخسران

مراكش: 2023/06/13