يوم ضرب زلزال ( قصيدة زجلية )

يوم ضْرب الزلزال
حْزنات قلوبنا

صْرخو الكبار و العْيال
خرجنا نْجرّيو من بيوتنا

الناس ضاعت بين الجبال
عليهم بْكات عيّونا

مابقا ينفع لا درهم لا ريال
غير الخاوا بين مْدونّا

لّي وقف معانا وقفة الرجال
ولّي يشافي جروحنا

عندنا كنز ما يْسْوا المال
عندنا الدم المغربي فعروقنا

متاحدين أجيال و أجيال
نآزرو بعضنا فهمومنا

متاحدين ماشي بالقول لكن بلفعال
ربي يلطف بينا و يصونّا

يوم ضرب الزلزال
حزنات قلوبنا

لي وقف معانا وقفة الرجال
ولي يشافي جروحنا

بقلم الشاعرة الزجالة: خديجة إدريسي توراغتي