ثقافة وفن
زجل ….. تصالح مع النفس….
بقلم محمد الادريسي
كيف تتصالح مع النفس
يا الظالم حقوق الناس
فالشر تخبي ودس
موسك يدبح بدون احساس
الحبل المفتول ع لعناق
ضيق لنفاس زاد اختناق
صبر ايوب تهد و طاق
لما المستور تفضح وفاق
واش كلا لمقص من الدص
غير الصداع وكثرت النحس
هذا نصاب هذا يلصص
هذا ف لسواق يبيع الزواق
كثر لحقد و النفاق
العهد المكتوب خانتُ لوراق
تاه وتوضر بين الزقاق
غبر وساه مبان لو حس
لي قطعناه الواد نعس
على ظهرنا بالحملة مَحَسْ
نشفو رجليه وخيَّر النفس
بين شِيمْ الرجال وتنوعير النمس
مص الدم نشف لعروق
طاب الگلب منو محروق
جبرنا فديه حقنا مسروق
مختوم برسم خادم لحقوق
وكيف تدير تصالح النفس
يا لمعلق نيفك لسما
السما ف لعلالي مبسما
وسوادها يروف بالنعمة
