زجل…. رمل بلادي .

محمد الادريسي.
المغرب

يا رمال بلادي
يا جبال ؤ وديان
شهدي على بما ف كبادي
من حب لهاذ الوطن
الصحرا عيد عيادي
دايمة على طول الزمان
نقوف فوجه لي يعادي
بالسلاح وزهد الايمان
أرض وارض جدادي
والويل لكل من خان
محروسة من الله الهادي
ربي يحفظها على طول الدوام

يا العاشقين النبي صلي و عليه
صلاة تفاجي لقلب من لحزان
ولي فقلبو غل الله يهديه
الدنيا فايتة ك فاتو قمان
لي غراتو فهواها تديه
ما توريه غير الخدلان
وانا عشقي ف بلادي
وكل شبر من هاذ الوطن
نمشي على ترابها غادي
والخطوة سلم وأمان
على حبها نوصي ولادي
كي وصاونا لجدود من زمان
نشد لحبل وندݣ وثادي
على رايتها نحافظ مزيان
هادي رمال بلادي
بحور وجبال ؤ ويدان
07 11 2022