ثور ” الفنطاجية”…
نور الدين بن شقرون/ / مكتب مراكش
زعم وحيد الهم
خليها ديما غادا
راسك بحال الصم
الله يقطعها عادة
فيك ياولد العم
سير عند ” الحاج الكادة (g)”
فاتحو ويزول الغم
طلب بنتو ” للا غادة”
سبحان خالق الكون
إياك تسنى و تمادى
إيجي (ل) يحسم
بحال ولد ” للا شامة”
تايطير بحال الجن
يخلي حالتك حالة
قفز قبل لاتندم
وتلقى الطاجين تقادا
” اباها اعطاه الله
وانا باقي على الله
نطلب فضل الله
مانيئس من رحمة الله”
” انا موظف قد الحال
يعطيني بنتو محال
هاذي ماتخطر على بال
ما هو على هاذ الفال
إيجيه بحالي ويسال
يفوز بمرا (ت) الهبال
بنت الهمة والمال
مربية وقمة الجمال
تخلي كل شاب ولهان
سبحان عظيم الشان”
” مشيت في يد الله
رميت شبكتي على الله
كولشي يسرو الله
الرجل متقي الله
بسيط و ولي الله”
كان واضح في كلامو
” الفلوس يحضرو و يزولو
الرجل قيمتو في أفعالو
بالمعقول مايخصك والو”
باش نحيد الجلالة
على عيون البركاكة(g)*
جبت جوج من الحاجة
فصالات* رفاع وخلالة*
” مضمة “* (ت) الذهب و نبالة
*تراكت(g) بالتقيتيقات* و الطبالا
وثور مكري (ك) العادة
وصلنا عند “الحاج الكادة” (g)
لقيناه واقف إيتسنانا
هو وجوج كزارا (g)
هبطوا الثور للساحة
ذبحوه وخلاوني في حالة
” هاك فلوس الثور
خلص مولاه على الفور
مالك و مال الزور
انت شاب ماعليك لوم
تابع الفيش بحال القوم
مايدوم غير المعقول”
هادي قصة اعتبارية
لصحاب الفيش و” الفنطاجية”
ينقصو عليهم شي شوية
من النفيخ في الشخصية
عش حياتك كيف هي
ليوقع ليك (ك) وقع ليا
ذبحو الثور و حشمو بيا”
شرح كلمات ” الدارجة ”
* الفنطاجية: التباهي بما ليس لك
* البركاكة( g): الفضوليون
* فصالات: اثواب رفيعة
* مضمة: حزام
*نبالا : اساور ذهبية عريضة
* خلالة: او الشوكة، قطعة ذهبية تلبس فوق الصدر.
*تراكت (g) : الهدية
* التقيتيقات: فرقة اهازيج على طريقة مستملحات ….
