الكاتيناتشو.. ❤️🇲🇦 بالدارجة.

زكرياء المغاري / مكتب فاس

بزاف ديال المحللين طرحوا سؤال علاش هاد الأسلوب، كيجيب الغثيان للمنافسين و مكيبغيوهش..وكيعقد الماتش رغم وجود نجوم بالفريق الخصم.
حيث تاهو اسلوب كرة قدم، و كيجيب لك القاب بلا ماتحتاج تهاجم بافراط..
حتى هو اسلوب خاص ب كرة القدم و كيجيب لك الربح غير هو تا ايلا خسرتي كتخسر ب اقل الأضرار او كتجيب بيه تعادل..بكل سهولة.
هذا اسلوب خاص ب الكرة القدم الإيطالية و بيه جابت المونديال 4 مرات و جابت اليورو 2 مرات و تا واحد مكيقوليهم علاش خديتو القاب ب هاد الطريقة مالكم مافيكمش الزعامة باش تهاجمو.. مع العلم انه إيطاليا ف ماتشات الكبار كتلقاها ديما هي لي كتهدد الخصم بكثرة حيت ديما كتلقى مساحات ف دفاعات الخصم عكس الخصم لي كيواجهها..
لهذا ان المنتخب العالمي، لي كيعتمد على هاد الطريقة ماهو أسبانيا ولا البرازيل ولا الأرجنتين بل إيطاليا و حققو اللقب بنفس النهج.. لأنهم منتخب كيحترم اسلوب ديالو، و كيبقى متشبت بيه و كينفذ التكتيك ديالو بشكل دقيق جدا وسط المباراة..
نرجعو للمغرب🇲🇦.. لقينا الخصوم ديالنا ضاقو درعا من أسلوب المنتخب، بل كاين لي ماعندو علاقة بكرة القدم و ماعاجبوش، علاش المغرب دافع على الشباك ديالو بقتالية كبيرة عوض مايهاجم، و يترك مساحات للمنافس لاستغلالها وتسجيل الأهداف، لان المغرب بكل بساطة، منتخب متوسط له مشاكل هجومية، اللهم يحافظ على نظافة شباكه، و ماتماركيش عليه و ايلا جاتوا الفرصة فين يماركي راماغاديش يخليها، و تا ايلا ماماركاش و مشا ل بيلانتيات مرحبا ديك الساعة يخرج ب الحظ و عدم التوفيق و ماشي يخرج ب فضيحة وسط الماتش..
هذا هو الأسلوب نيت لي جابت بيه اليونان اليورو 2004 و زمطت أقوى المنتخبات ديك ساعة..
اسلوب ماشي دفاعي ولكن فقط باش نسد عليك الثغرات و لكن كون متأكد ايلا ضبطت اموري ف انا كمنتخب مغربي غادي نأذيك 💪🇲🇦