الفروج ” الصگع”

نورلدين بن شقرون/مكتب مراكش

عندنا فروج في الدار
يكوكع بالليل والنهار
مصدعنا ومصدع الجار

الوالد ” سبع ” معروف
مالف يدير المعروف
يجمع الناس في الدار

فكر في ذاك الفروج
هو واحد مامنو جوج
رجع مشكل في الدار

هذا خاصو الرفيسة
من يد للا نفيسة
” اللبوءة” مولات الدار

به الرفيسة تطلع
زيد المسمن المقطع
والقوام راه في الدار

حنا أشبال” السبع ”
كلفنا بذاك الصگع
نجيبوه من سطاح الدار

عيا مايتركل
ولف ديما يتسركل
حاگر مول الدار

نزلناه من فوق السطاح
مابقى فين يتلاح
وجهناه لقبلة الدار

” الگليسة” لاربعا في الليل
عشانا يطيب على المهيل
والفرحة عندنا في الدار

فريقنا في النهاية
وماهي الا بداية
والله يحفظ مالين الدار

مراكش: 2022/12/12