بعتي كل شي ( قصيدة زجلية )
محمد الادريسي
المغرب
بعتي كلشي……..
حتى الترااااااب…….
لي عليه تنمشي…….
ديتي لعمر
دتي لفراح
نسيتي لوقاااااات……..
سوايع ملاح
كان ربيع خظر
تلعب بيه لرياح
زاهي يغري منظر
كركاز وبو نفاح
كيف وراق شجر
نصها ع الارض طاح
طاغي بلون صفر
لقلب عصى و قصاح
جاي بخريف يغر
كل من هو فلاح
طيور هجرت لوكر
هجرات طجات فالصباح
طارت عطت بالظهر
بالدم سالو لجراح
طعنة من يديك خنجر
عداب يجري تنواح………
مشى فطريق لغدر
ما بان فيه صلاح
معاه تنتف ريشي
نفدفد كيف لغراب
باغي نعلي و نطير
تكسرو لي لجناح
باغي نقطع لجبال
نشق بحور وديان
نعلي مايهمني حال
حتى الى لمست لقمر
نرجع لهمي فالحال
صدمة من زمان تحفر
فدخالي هايجة طوفان
تكسرات سفينة لعمر
ملي دتي كلشي
ما همني منك شي
ما همني غي لي جاعو
فالهموم غرقو ؤو ضاعو
و البير لي ماه نشف
بزق لحمام ردم لو قاعو
دتي كلشي
خليتي السراب
خليتي العمش فرمشي
24 04 2021
الادريسي محمد
