لوصية ( زجل )

محمد الادريسي / المغرب

ناس تاهية ملهية
كلاو كيف عاش ايامو
فدنيا تايهة مجلية
ناسية الخالق وكلامو
حتى من الصدق والنية
لي كانو من شيامو
سلمو فالرزة والتقية
ورماو للمعقول سلهامو
شي لابس فيها ومسبط
وشي طايح لو حزامو
وشي شارب لخمر معربط
واخدها لعب و تسلية

فيها لي مرفع مقامو
وفيها لي مسفه كلامو
وكاين لي محكم لجامو
يكرف ويرخف شويا

ناس مرمية منسية
وناس بالزهر مسقية
بالخف حاجتها مقضية
مضرݣ الرشوة فسلامو

نسينا وصيت نبينا (ص)
على دنيا فانيا بينا
لا نتنافسها .. تدينا
فيها يغرقو رجلينا

لوكان قنعنا بالقسيمة
شويا ليك وشويا ليا
نعيشوها عيشة مرضية
ؤكلا ويوصل لرسامو

18 01 2023