الصٌَايْمْ بِالجْمِيلْ ( زجل )
نورالدين بن شقرون/ مكتب مراكش
مَالْ خُونَا مْعَصٌَبْ ومْجَاجُو مَگْلُوبْ
يَعْبَرْ كُلْ كْلْمَة بِالْميزانْ
يَتْحَرٌَكْ بِالحْسَاب تْگُولُوا مَعْطُوبْ
تْشُوفُو تْگُولْ مْرِيضْ وْعِيٌَانْ
مَايْجَاوْبْ سَائْلْ عْلَى مْطْلُوبْ
مَا يْرَدْ سْلامْ وْسَارْطْ اللٌْسَانْ
سَوٌَلْتْ مَالْ هَاذْ لْمْزْغُوبْ ؟
گَالُوا هذا حَالُو فِ رْمْضَانْ
يْتْقْطَعْ إلٌَا خْطَاهْ ذَاكْ لْمَنْشُوبْ
بْلاَ تَدْخِينْ يْتْخَلْطُوا لُو لْوَانْ
يْظٌَلْ يْنْگَرْ تْگُولُو مْجْدُوبْ
يِغَوٌَتْ وْيِخَرٌَجْ لْعِيبْ نِيشَانْ
گَانْتُو عْلَى نْقْشَةْ وْبَايْنْ مَغْلُوبْ
قَاهْرُو رَمْضَانْ بِسْبَبْ الدْخٌَانْ
فْطْرِيقُو لِلدٌَارْ يْصُوگْ مْزْرُوبْ
ِيوَرٌَكْ وْيْطْلَقْ لِسِيٌَارْتُو لْعْنَانْ
مَايْشَوٌَرْ لاَ فْ زْنَاقِي وْلاَ فْ دْرُوبْ
السَيٌَدْ بَاغِي يْوْصَلْ فْ الآنْ
رْمْضَانْ كُلٌُه وْخُونَا مَرْعُوبْ
وَلا نْهَارْ وَاحْدْ تْلْقَاهْ فْرْحَانْ
الصٌُومْ إمْسَاكْ وْتَرْطَابْ لْقْلُوبْ
رْمْضَانْ مَدْرَسَة تْقَوٌِي لِيمَانْ
التْرَمْضِينَة كْلْمَة كُلٌَهَا عْيُوبْ
حاَشَا تْشْتَقْ مْنْ شْهَرْ الغُفْرَانْ
وْنْتَ يَا لَمْزَيٌِرْ حْتٌَى لْغْرُوبْ
طْلَقْ لْبَشْرَة وْنْعَلْ الشٌَيْطَانْ
الله يْعْفُو والله يِتُوبْ
عْلَى كُلْ مْبْلِي وْسْطْ لْقُومَانْ.
مراكش: 2025/03/13
