ثقافة وفن
زجل … النفس الطامحة…
بقلم محمد الادريسي
النجوم ف السما سارحة
كي سارح دمي ف لعروق
والنفس ف المجد طامحة
والعين تشوف الفوق
ظروف الوقت ما سامحة
شواك فالطريق تعوق
وليام شايبة و ݣارحة
تنوض فالراس القوق
وشكون حرق كبادك
يا الشمعة السايحة
من غير الفتيل لي فدخالك
نارو ب العشق رايحة
الݣلب مزال يدݣ يدݣ
والكسدة واݣفة خشبة
اللسان ف لكلام يلك يلك
لودن صمكة حدبا ء
وشكون منك يفك يفك
هاذ الخاطر المعدبة
خنجرك عل الضبرة يحك
يكفي من الهم ما شاربة
لا تخليني ف النجوم نشك
واش واقفة ولا سارحة
باغي ريحة المجد نشم
واش ل نيوفي صالحة
يكما على ريحتها ن ندم
يكما نرجع لجرادة مالحة
