زجل اللسان حية

بقلم محمد الادريسي

ما ضرني غ كلامك انتٓ

اللسان حية يلسعْ بغتة

سمو يسري فالظلوع حتى

جابني نجري للارض جثة

ما همني نركب وثىّٓ (سيارة)

ولا همني نطيح ف ݣلثة

حيط الغربة راشي غبتا

همني ضري ل سبابو انت

حلمتك بير تسقي لحقول

كلام يحير جنن لعقول

تسقي لغراس مجراك يطول

يفيض بالخير على كل نبتة

سعى حبلك فتلو قصير

دلوك محݣور ݣاعُ مݣعور

جنابو دايز يجري ويسيل

ما طلع منك ولا نݣطة

ما روى منك عطشان

ما شرب منك شحرور

ولا رطابو بيك لجراح

نفراتك ݣاع الطيور

جنابك ما فيه آمان

غيرة وكلو خدلان

هجروك خواو لمكان

دوك لي كانو ليك حظور

علاش صمتِ لكلام الرزين

لسانك ولف قلت لهضور

تعطيني منو قطران ثقيل

و تهديهم شهدة و عسل