رمضان: شهر الغفران والأمل 

نورالدين بن شقرون/ مكتب مراكش

حل شهر العطف والمحبة
في رمضان تتغير حياتك
أيامو تبعدك على كل نشبة
يساهم في تقويم خصالك
تظل ترجى ل مايرد طلبة
ربي قادر يغفر زلاتك
عليك باستغلال هاذ الوجبة
ترجع للطريق ويتسگم زمانك
باب مفتوح ومافيه عتبة
الله يستاجب ويغير أحوالك

بنادم هو ل كلو مطبة
يخليك تدخل في معارك
كل كلمة من عندو كذبة
تنقص من الگفة ديالك
كانت همة وتعطيك مرتبة
تزيدك قيمة وتعلي سوارك

اليوم السوق كلو جدبة
الأسعار خلاتك تفقد صوابك
بحال لسواق بحال الرحبة
تبلع الضعيف المسكين بحالك
تغادر السوق وانت تحبا
رجليك رفضوا يهزو هبالك
ماشريتي لازيت ولا جبنة
اش تقول لمالين دارك
اما اللحم والدجاج والقنة
أحسن تخرجهوم من راسك
عليك بالحريرة وضامة البنة
شري التمر ورد بالك

الكل ينتاظر وبكل لهفة
وعود حكومة بلادك
يزول الضباب والجو يصفا
تطيح الأسعار وترجع لأيامك
المسكين اليوم شاداه التلفة
كثار الملايين امثالك
سبحان ربي ما خفاه خفا
لابد يفرج هم أسقامك

مراكش:  2023/03/23