الصمت حكمة! ( زجل )

زمان ݣالو الصّمت حَكمة منّو تفرقت لحكايم
لا ، هاذي راها غريبة من كبار لغرايب
أنا نݣول الصمت شِيمة مَن شيّم لبهايم
كِيف ما ننهي على المنكر ، الحق راه سايب ؟!
سمعني نشرح كلامي لا تزرب يا اللّايم
عاد سمّعني واش راك جايب
الحق غرق فالبحر والباطل راه عايم
والصّور اللّي بلساسو راه رايب
ومن كان لبيب تلف وصبح هايم
والصّمت على الحق هو سباب لمصايب .
———-
الشّاعر الزّجّال إبراهيم يعݣوبي
تاوريرت 2021/12/29