هلوسات زجال….

محمد الإدريسي 
هجرني
إلى جيتك تقيل
ع الخاطر والبال
هجرني راه لهجر حلال

لا تخلي دمعي يجري
لا تخلي الگلب يسول عليك و يسال

لا تلومني إلى الصبر قلال
صبري فات اللازم
فحقك ؤمزال باغيه يطوال

طمعني بدبا يزيان الحال
الحال هو الحال وانت بكدوبك راك تحقق المحال

طعني كي طعني الزمان
خنجرك ف لدخال يواصل
دبيحتك ما صبح عليها الحال

اهْذا ياگلبي اهذا
النار لي فدخالك
جمرها زاد كَدا

لو جيتي تسمع لكلامي
تسعد فحياتك اليوم وغدا
ما تزيد فهمي وتخمامي
ولا طيح طيحت الرعدا
ع الواد لي قطعت بكدامي
ودوب ب التنهاد هاذ الكسدة

عمرني كَلت نتيق
فلي درتيه ليك عشيق
خان الوعد وسط الطريق
وطعنك بخنجر ف الكبدا ة
شربت سم حبك ع الريق
زاد الكَلب ديق وشدا ة
منو محال واش نفيق
إلى هجرتي هاذ الكسدة…..
محمد الإدريس

04 07 2023