علاش الخصام

 أحمد المزريوي / مكتب زاكورة

علاش العداوة والخصام..

علاش القسوة بكفوف النسيان

بهديك الله لا تزيد فالهجران..

عمرنا فالدنيا راه قصير

خلي ايام العشرة تصير.

زهرة عمرنا الزربان..

مازال لقلبي اسمك مكتوب

كلامك الحلو مراضي يتوب

مازال نحكي للنجوم،طول الليل سهران

تغير قلبك وقيل هاذ المرة

وانا عيشتي بالغيار عادت مرة

لا تعاند عفاك وانا ببعادك مهموم

عهدي بك قلبك بالشوق ولهان

كنت هايم بك وانت بيا فرحان

رجع نساو لي فات ونعيشو اليوم

علاش العدواة والخصام

علاش نقصرو بينا الايام

وانت بحالي كلبك مغروم