الدنيا فانية ( زجل )

عايشين عيشة زايْلة
كُلَّ في طريقو رايْح
مْشَوَّر لْحالو لَ يْزول
بين الخير و الشر
فرق عظيم
وا توب توب
الحق عند الله باين
را البحر فيه وفيه
الحلو والمالح
كيف بنادم
حجر وطوب
ها لَمْخَلْوَض ها الصافي
ناس تقاسْ بْ لَعْمال
و تقاسْ بْ لَفْعال
ماشي بْ لَقْوَال
كاين الطَّالح
وكاين الصَّالح
طريق الحلال طويلة
والحرام يزول
يزول بين نهار وليلة

بقلم الشاعر والزجال جواد شريق