بمناسبة عيد العرش المجيد ( قصيدة زجلية )

بقلم الشاعرة الزجالة خديجة إدريسي توراغتي

بسم الله بديت كلامي
وبعت لبلادي خير سلامي

سبحان من لا ينام فليالي
سبحان الواحد العالي

سلامي لبلادي لجميع المدون
كنز خلقو ربي فهاد الكون

سلامي لناس المغرب الحبيب
بلا عنصرية سلامي لبعيد و القريب

سلامي لجالية المغربية
ولي يرفع علام بلادو فالسما العالية

النور ينبع ويسطع
من بلادنا المغرب يلمع
بوجود سيدنا محمد السادس
بضياه يعلا و يشع

ياسيدي محمد السادس
قلبك طيب مع الناس
شعبك يبغيك بلاقياس
يا سلطانا ياجوهر الماس

بفضلك ياسيدي
مغربنا يتقدم ونفتاخرو بيه
بمشاريع كتيرة وبالسلم اللي فيه
نعليو رايتنا هنا و لهيه

هدا عيد العرش المجيد
عيد البها ، كل مواطن سعيد
يا ملكنا يحفضك الواحد المجيد
يحبك الكبير و الصغير ، الجد و الحفيد

الله يبعد علينا حقادنا
والله ينصرنا على حسادنا
و ربي يحفظ لينا سيدنا
اليوم عرشو هو عيدنا