الانتخابات قادمة … ” تفكروا .. “

د.نورالدين الوكيل / رئيس القسم القانوني للجريدة

فالانتخابات الجاية تفكرو أن الطرق غير المعبدة فالمغرب العميق أخرت عمليات الإنقاذ والإغاثة يومين.
تفكرو أن رئيس الحكومة ماخرج بحتى شي ڤيديو كايشرح الوضعية ويطمئن الناس لي مرعوبين
تفكرو أن المستشفيات فيها خصاص رهيب ديال المعدات والأدوات الطبية
تفكروا أن الناس كايمشيو يتبرعو بالدم وكايرجعوهم حيت تسالاو البوشيطات.
تفكروا حرقتنا على خوتنا لي مزال تحت الأنقاض سواء جثث أو أجسام هزيلة كاتنسى المنقذين
وتفكروا مزيان أنه المغرب العميق عمرها ماكانت شي إرادة سياسية من حديد باش يتطور وأن دوك الناس كانوا عايشين بالبركة والقناعة وصافي.. فالفقر المدقع.. وجا الزلزال باش يعري لينا المأساة وتوضح لينا الصورة اكثر..
تفكر هادشي وعمرك تحن فسياسي كايبيع ليك الوهم..واخا يقوليك غادي نعيشك فالجنة.