يوم الفرحة ولفراجة!

( زجل مغربي)

ليوم فرحة وفراجة
موعد تاريخ ما بحال ليام
أسودنا غادي تزأر فالميدان
وتدافع بحبها لهاذ الوطن
الشعب كلو معاهم ومساند
يهتف ويشجع وهاز لعلام
ملحمة تاريخ غادي تتكتب
كيف كتبوها الناس لقدام
المغربي فوقت الشدة يتعرف
منتخبنا رزين والقائد فنان
كلا عارف مهمتو فالملعب
ولا حاجة عندهم من المحال
أسود مرودة تابثة وتراقب
وفوقت الفرصة تهجم وتبان
يا فرحي بولاد بلادي الشداد
ويا سعدي بكل نجومنا لحرار
ليوم يهديو شعبهم الفوز
والفرحة تكون ݣدام لعيان

-بقلم: محمد دومو
-مراكش/ المغرب