علاش لا……

نورالدين بن شقرون/مكتب مراكش

علاش لا……

ياك تجمعات اللمة
المهارات راه تما
فريقنا اصبح همة
يستاهل كل التقدير

” كرواتيا ” مامعاها فرجة
” بلجيكا” گولها ما نجا
وماتش” كندا ” بهجة
” الأسود ” فريق كبير

فرقة ” إسبانيا” بلا هواها
على التعادل جبرناها
وبالقدفات قصيناها
حارسنا مالو نظير

” البرتغال” اليوم مخلوعة
خايفة تولي مغلوبة
ويگولوا عليها مصگوعة
” رونالدنو ” نحبوه كثير

المربع الذهبي تايتسنى
” الأسود ” مكانهم تما
الفوز أصبح عندنا سنة
مع المغاربة تحير

لاتگول سير تكمش
غادي باقي ننبش
هاذي حقيقة ماشي وش
” للبرازيل” تانشير

دفاعهم ماشي واعر
ما يقدر على المناور
هجومنا ذيب ماكر
ديما فاطن وحاضر
يسجل على الطير

” السلكا” راه خرجناها
وسيدنا معنا قراها
وربى هو مولاها
عطائو وفير

علاش لا…

مراكش: 2022/12/08