” بون آني ” بلا عنوان

نورالدين بن شقرون/ مكتب مراكش

اليوم خرج ليها نيشان
والبارح في الجامع يتعاما
الفقيه حذر من هاذ الزمان
و”كبور” يدعي ويطلب السلاما
ابتعدنا على سنة العدنان
الصلاة عليه على الدواما

اليوم ” كبور” يحضر لمكان
لابد كلشي يكون رواما
مشى تقدا من المزيان
دار بحساب حتى ليقاما
الحفلة لابد تدوز مزيان
راس العام ماعليه ملاما
أنواع القوم اليوم تبان
حتى معارف مراتو ” شامة”

” بون آني” ماعندو عنوان
عند البعض لازال فخاما
” بون صونتي” زيدها يا فلان
تسكت بها أصحاب الفهاما
ب ” الفرونسي” ترجع ” جنتلمان ”
ويرفعو بك في المقاما
تولي ” مسيو” وعندك الشان
وهاذيك عندهم شهاما

حضرات الناس بحال العرسان
هاذي ” تكشيطة ” لون لخزاما
لابساها الجارة ” للا إيمان ”
غطات على لبسة ” للا شامة”
وهذا ” كوبلي” لون الگطران
لون يسلب عقول الحواما
لابسو “كبور” وماهو حشمان
كبير والشيب أكبر علاما
ليلة تقولها محج السلوان
ستار الله لا ترجع نداما
محبة الليل تولي نكران
وكأننا في حلم مناما.

مراكش: 2022/12/31