حاكم ل ” افوكا”

نورالدين بن شقرون/ مكتب مراكش

الأول راس ” لافوكا ”
صاگ بنا الفلوكا
ووصلنا لبر الأمان
والثاني حاكم ل ” افوكا”
خربق لينا السلوكا
صطحنا الجرف نيشان

الأول گود ومعقول
ماعندي ما نقول
رفع رايتنا مزيان
الثاني لسانو مفتول
دلاقشي ومايعبر القول
حشمنا قدام العشران

الأول معاه وفينا الحصاد
وكانت أيام كلها أعياد
الصغير والكبير فرحان
الثاني تقول شلاخ العواد
الزلات متابعا بلا عداد
ايامو كلها للنسيان

الأول حفظنا معاه الدرس
سير…..سير…….سير……….
جا الثاني وقلع الغرس
وطارت البركة والتيسير.

مراكش: 2023/01/05