زجل…
بقلم الزجال علي الفناني
سبحان من رفع لي حبو و عرفوا
ما ينسى لي قنع و لا لي كلامو ولفو
صنع و بدع و كلا بجواه غلفو
ما يحصد غير لي زرع و كلا باش كلفو
*****
يا مسلم عيش بلي مقسم
وقف عند نهارك وعلم
و لاتنسى قدك و لبس لموالم
راك كبير عارف و فاهم
****
البارح راح و بحالو ليوم و غدا
يا السارح رعى و ما تتعدى
الوالي كريم طبعو ما ينسى فالشدة
ساوي وصفي ياك حنا أمة وحدة
****
النساء درسة مسْوسة
فقلبي و قلبك مغروسة
تمشي فالطريق و محسوسة
مسُـــوســـة و خايفة من النمـــوســـة
****
هذا مول الخيرعلى الدوام
لي فبحر الحق صبح عوام
فقلبي كبير ما نوصفو بكلام
ما بحال مقامو مقام
****
لكان كلامك حلو رجعو عسل
و بتاسم لو و صبر لقريص النحل
شوف عمالو لقلوب مهبل
غير قولو راك توصل توصل
****
باب الجنة صعاب
و حباب المْحَنة غياب
الحياة مْحْنَة وعذاب
الحق صبح يتعاب
*****
يدق لو اللسان ويعاين
دغيا يفهم شنو كاين
عمرو ما يكن لك خاين
زين الأفعال راه باين
****
لا إاه إلا الله
لكون نتا سيدو و مولاه
و المضيوم صديقو و دواه
لا الخو نسا خوه ما ينساه
سبق خيرك على خيرو تلقاه
****
مالك مغموم و مضيوم
درك ليام يبرى الهم
ما تبقى على الجاي تعلم
نسى اللوم و عيش ليوم
