نور الدين بن شقرون/مكتب مراكش
عندنا فروج في الدار
يكوكع بالليل والنهار
مصدعنا ومصدع الجار
أمي لبووة معروفة
يديها ما مكروفة
تجمع النسا في الدار
فكرات في ذاك الفروج
هو واحد مامنو جوج
رجع مشكل في الدار
هذا خاصو الرفيسة
من يد للا نفيسة
اللبووة مولات الدار
به الرفيسة تطلع
زيد المسمن المقطع
والقوام راه في الدار
حنا أشبال” السبع ”
كلفتنا بذاك الصكع
نجيبوه من سطاح الدار
عيا مايتركل
ولف ديما يتسركل
حاكر مولات الدار
نزلناه من فوق السطاح
مابقى ليه فين يتلاح
وجهناه لقبلة الدار
الكليسة لثلات في الليل
عشانا يطيب على المهيل
والفرحة عندنا في الدار
فريقنا في ربع النهاية
وماهي الا بداية
والله مع مولات الدار
2023/08/07
