علاش لخصام…..

مصطفى حدادي مراسل يسبريس7/ الرباط

علاش لخصام
علاش لخصام
كون كان فيه النفع كون بدا من لفطام
راه شيمة ولاد لحرام واللئام
علاش لخصام
بصح ما تفاهموش بالحق كتصان العشرة والوئام
علاش لخصام
راه كيزيد غير الحقد والحسد ويقهر النفس بالتخمام
راه كيبعد ويفرق الاهل والاحباب والناس الكرام
علاش لخصام
راه كيفرق المجمع ويكثر القيل والقال والكلام
كيقطع صلة الرحم والصحبة والعشرة ويقلل السلام
علاش لخصام
كل واحد فينا كيبقى من خيرة لمقام
واخا تقول فيه النفع وراحة الأبدان
بالحق ملي تفكر وتخمم كيطير من عينيك المنام
علاش لخصام يا أهل المحبة الكرام
علاش الخصام علاش الخصام