ثقافة وفن
البوح قاصد حبيب! (زجل مغربي)
الشاعر المراكشي محمد دومو
فاحت لحروف ولمعاني
الساكنة فالقلب وكتسناني
لبوح كان قاصد حبيب
غالي وثمين ما ليه مثيل
سهل عليا نكتب لمعاني
حروف يصيرو قوافي
سرحت ف صور كثيرة
وضحت ليه فيها كلامي
هكذا كان الإحساس ساري
ونغمة الفرحة ملي لقاني
مرحبا بلي جا وجاب
مشموم ورد نهديه للغالي
زارتني فرحة ليوم
قصدات عنوان مكاني
معزول نتألم ونعاني
فلحظة أصبحت مسرور
ونسيت كل حزاني
-بقلم: محمد دومو
-مراكش/ المغرب
