فوبيا الخريطة

نورالدين بن شقرون/ مكتب مراكش

غادي في عماه ك المرياح
كبار الفقها فيه حارو
عاود ثاني غير البارح
شوهة أخرى في عقر دارو
خلعو قميص برتقالي واضح
عليه وشاح خريطة جارو
باينة مكمولة لكل عقل راجح
الجار حافظ مزيان سوارو

خونا مايحشم ووجهو قاسح
الحقد والبغض فاضحين عوارو
بقى تالف وغادي يتلاوح
تصرفات فيها الناس حارو
النهضة فريق قوي ما يتسامح
مايسلم في قميصو رمز انوارو
ريحة الزهر ديما منو فايح
وعليه وسام يزيد من مقدارو

خسارة قرارنا ما كان فالح
اغلقنا ل يمكن يشد احجارو
“بويا عمر” كون راه فيه سارح
وصفة، بها العقلاء علينا شارو
اليوم خونا غير غادي دالح
ولاخطوة بالقياس ولاشي بعبارو
علينا بالدعاء وبكثرة التسابح
يرجع فريقنا سالم لديارو

مراكش : 2024/04/20